عروسه نقاوه . . . حمار وحلاوه

يلا ياهشام الفطار جاهز ياخويا قوم بقى
طيب طيب قايم
هشام صحى لقى طارق ابنه قاعد عمال ياكل مع نفسه)
ايه يابنى مش عارف تستنانى انا وامك قاعد وعمال تحشر مع نفسك
معلش يا بابا اصلى مستعجل شويه
ومستعجل على ايه يا خويه
اصلى رايح ادور على شغل
شغل لا متشغلش بالك انا كلمتلك المدير بتاعى وهيشغلك عندوا فى الشركه
هشام راح الشغل ورجع فرحان اوى اوى
يا ام طارق يا ام طارق طارق ابنك فين
فى اوضته يا خويه مش عارفه ماله
طب ناديه انا عندى خبر حلو هيفرحه
ايه الورق بتاعه اتقبل فى الشغل ولا ايه
يا ستى ناديه بس وانتى تعرفى
نعم يا بابا
ابسط ياعم لقيتلك عروسه
عروسه ايه يا بابا هو انا لاقى شغل
قاله اصلى رحت للمدير النهارده عشان اشوف ورقك وقولتله دا الواد مش لاقى شغل وعايز عروسه
ومفيش عروسه هترضى بيه وهو عاطل فقالى انا ممكن اخوزه بنتى من غير شغل ولا شقه ولا شبكه يعنى هتروحلها بشنطه هدومك
يبقى اكيد وحشه يا بابا
صح يا هشام اكيد وحشه
اسكتى انتى يا وليه دلوقتى
ها قولت ايه نروح بكره عشان نشفها
ماشى يا بابا امرى لله بس لو طلعط وحشه مش هتجوزها
تانى يوم هشام راح للمدير وقاله هنيجى نشرب الشاى معاك النهارده
اهلا وسهلا وانا فى انتظاركم
هشام وابنه وصلوا بيت المدير
امال فين العروسه يا فندم هى تقلانه ولا ايه
لا لا هى جايه دلوقتى
العروسه دخلت تقدم الشربات
الله يا بابا دى حلوه اوى
قاله مش قلتلك دى حاجه كده حلوه
بعد ما روحوا البيت
ها ايه اخبار العروسه يابنى
لا يا ماما اطمنى دى طلعط زى القمر عروسه نقاوه حمار وحلاوه
وكمان يا ام طارق هتخده بشنطه هدومه بس
يوم الفرح طارق عايز يقلع روسته الطرحه
اوعى يا حبيبتى انا هقلعك الطرحه
لاروح انت بره وانا هقلع
لا اوعى بس انا هقلعالك
طيب
بعد ما قلعها لقاها قرعه
قالها ايه ده انتى قرعه
قعدت تصوت وتكسر فى الحاجه وفى عفش البيت
ابوها سمع صوتها من فوق نزل جرى
فى ايه ياطارق العروسه مالها
قاله دى قرعه
هى سمعت كده واتعصبت اكتر
قاله طب روح هات المهدىء بتاعها من الدرج
قاله هى كمان مجنونه
قاله يابنى هى مولوده كده مبيطلعلهاش شعر ابدا
تعليلى يامه
طارق روح على امه وابوه وهما قعدين يتكلموا وفرحانين ولقوا الباب عمال يخبط
ايه يابنى فى ايه
قاله يا بابا العروسه طلعط قرعه
قرعه ازاى يعنى
قاله يا بابا معندهاش شعر قرعه
خلاص يابنى مش مهم فداك
بس ابوك شكله هياخد اجازه على طول

منتظره الردود